ბიზნესმენმა ქიბარ ხალვაშმა „რუსთავი 2"-ის ჟურნალისტებთან მიმართებაში სიტყვა „ზონდერის" გამოყენების გამო ბოდიში მოიხადა. ხალვაშმა დღევანდელ პრესკონფერენციაზე განაცხადა, რომ როგორც ჩანს, მან სიტყვა არასწორად შეარჩია და „არაობიექტური" უნდა ეთქვა.

„ზონდერად თუ ვინმემ ჩათვალა თავი, ეს მისი პრობლემაა", - აღნიშნა ხალვაშმა.

ხალვაში შესაძლო საკადრო ცვლილებებზეც აკეთებს კომენტარს და ამბობს, რომ პირობას ვერავის მისცემს, რომ მიხეილ სააკაშვილის დაცვის წევრები და სპეცრაზმელები პოსტებს შეინარჩუნებენ. მისივე თქმით, ჟურნალისტებს არავინ შეეხება.