„საქართველოს მოუწოდებენ, მედიის დამოუკიდებლობას პატივი სცეს" - ამ სათაურით „რადიო თავისუფლების" ევროპული ბიურო „რუსთავი 2"-ის ირგვლივ განვითარებულ მოვლენებს სტატიას უძღვნის.

პუბლიკაციაში ანათქვამია, რომ აშშ-მა ღრმა შეშფოთება გამოთქვა „რუსთავი 2"-ის მმართველობის შეცვლის შესახებ სასამართლოს გადაწყვეტილების გამო.

ამავე შინაარსის პუბლიკაციას აქვეყნებს „ამერიკის ხმა". სტატიაში ნათქვამია, რომ სასამართლოს გადაწყვეტილებით შეშფოთება გამოთქვეს მედიის სფეროში უფლებადამცველებმა და დიპლომატებმა ევროპიდან და აშშ-დან. „ამერიკის ხმა" აღნიშნავს, რომ ერთობლივი განცხადება „რუსთავი 2"-ის საქმეზე აშშ-ის საელჩომ, ევროკავშირის წარმომადგენლობამ და საქართველოში ევროკავშირის წევრ სახელმწიფოთა საელჩოების ხელმძღვანელებმა გააკეთეს.