7 ნოემბერს თელავში ტრადიციულად „ერეკლეობა" აღინიშნა. ადგილობრივი ხელისუფლების საკრებულოსა და მერიის მოწვევით, ერეკლე II-ის პირდაპირი შთამომავალი, სამეფო სახლის მეთაური და სამეფო ტახტის მემკვიდრე, მისი სამეფო უმაღლესობა ბატონიშვილი ნუგზარი იყო მიწვეული.
ბატონიშვილმა ნუგზარმა და თელავის რაიონის ხელმძღვანელობამ
ერეკლე II-ის საფლავს პატივი მიაგეს. სვეტიცხოვლის ტაძარში სულის მოსახსენიებელი პანაშვიდი აღევლინა.
ბატონიშვილმა ნუგზარმა და სამეფო სახლის კანცლერმა კახა ქორიძემ თავად-აზნაურთა თელავის საკრებულოს წინამძღოლს, აზნაურ ვალერიან კიკნაძეს საქართველოს სამეფო გვირგვინის ორდენის ოფიცრის წოდება მიანიჭეს.
თელავის ცენტრალურ მოედანზე ერეკლე მეფის ხსოვნისადმი მიძღვნილ საღამოზე, სამეფო სახლის მეთაურმა საქართველოს ღირსეულ მოქალაქეებს საპატიო მოქალაქის წოდებები გადასცა. საღამო სახალხო ზეიმით დასრულდა.
