„საქართველოს პატრიოტთა ალიანსის" წევრებს ფოთის მერიის ადმინისტრაციული შენობის წინ კარვის დადგმის საშუალება არ მისცეს. ამის შესახებ ინფორმაციას „ინტერპრესნიუსი" ავრცელებს.

წყაროს ინფორმაციით ალინასის წევრებმა მერიასთან კარავი გაშალეს და შიმშილობის დაწყების შესახებ გამოაცხადეს, თუმცა მალევე სამართალდამცველებმა კარავი აიღეს. აქციაზე იმყოფებოდნენ საკრებულოს წევრი "პატრიოტთა ალიანსიდან" მალხაზ ბუკია და ალიანსის ფოთის ორგანიზაციის თავმჯდომარე უშანგი გეგენავა.

ისინი თბილისში მიმდინარე აქციას უერთდებიან და სოლიდარობას უცხადებენ.