მომღერალმა ნანი ბრეგვაძემ სპეციალური მიწვევა მიიღო. ძალიან მალე ქართველ მაყურებელს საშუალება ექნება ნანი ბრეგვაძის შემოქმედებაში კიდევ ერთი სიახლე შეაფასოს. კინოთეატრებში ახალი, მხატვრული სათავგადასავლო ჟანრის სრულმეტრაჟიანი ფილმი გამოდის, სახელწოდებით- „რობინზონი და ცხრა პარასკევა." მასში არაერთი ცნობადი სახე მიიღებს მონაწილეობას- პაატა გულიაშვილი, ნათია წიწილაშვილი, სალომე კოკუაშვილი, მანიკა ასათიანი, ნანუკა გოგიჩაიშვილი, მარიამ სანოგო.
ფილმში სპეციალური მიწვევით მონაწილეობენ ნანი ბრეგვაძე, კახი კავსაძე, ბუბა კიკაბიძე, რუსუდან ბოლქვაძე, თამარა მაყაშვილი, ნანული სარაჯიშვილი, ზაზა კოლელიშვილი, ირაკლი ფრცხალავა, ლუცია ლიშუკ, აზერბაიჯანის სრულუფლებიანი ელჩი რუსეთში, ბატონი ფოლად ბულბულოღლი, მანანა ჯაფარიძე, ქეთა თოფურია, ლიკა ქორქია...
ფილმის რეჟისორია გიორგი კიკალეიშვილი, ხოლო სცენარის ავტორი- ნიკა რამიშვილი. პროექტი ხორციელდება ბრიტანულ- ქართული სავაჭრო პალატის BGSS-ის მხარდაჭერით.
რუსულ ენაზე ფილმი „ბრავო რექორდსში" გახმოვანდა. უახლოეს მომავალში ფილმის პრემიერა აზერბაიჯანში შედგება.
