საქართველოს კომუნიკაციების ეროვნულმა კომისიამ რუსული „პირველი არხის," ORT-ს რეტრანსლატორი კომპანია 2500 ლარით დააჯარიმა.

როგორც კომისიის მიერ გავრცელებულ განცხადებაშია აღნიშნული, რუსული ORT საქართველოში მაუწყებლობას შეწყვეტს.

 „საქართველოს კომუნიკაციების ეროვნული კომისიის საჯარო სხდომაზე კომპანია რ.ბ.ჯ.-მ ვერ შეძლო ORT-ს პროდუქციის მართლზომიერი ფლობა დაემტკიცებინა, შესაბამისად, კომისიის გადაწყვეტილებით, ტელეკომპანიას იმ სამაუწყებლო პროდუქციით მაუწყებლობა შეეზღუდა, რომელზეც კანონიერ უფლებას არ ფლობს" - ნათქვამია კომისიის განცხადებაში.