საქართველოს პრეზიდენტის გიორგი მარგველაშვილის განცხადებით, მიხეილ სააკაშვილისთვის მოქალაქეობის ჩამორთმევა ქვეყნის იმიჯს გარკვეულწილად ზიანს აყენებდა, რადგან მას არ უნდოდა, რომ საქართველო მსოფლიო საერთაშორისო პრეცედენტებში შესულიყო იმის გამო, რომ ქვეყნის 2-ჯერ პრეზიდენტმა, უარი თქვა მოქალაქეობაზე.
ამის შესახებ პრეზიდენტმა ტელეკომპანია „კავკასიის" ეთერში განაცხადა.
"ნამდვილად არ ვაპირებ ამის გაკეთებას. ამ ქვეყანაში არის კანონები, მათ შორის სააკაშვილის დროს მიღებული კანონები, ის კანონები მოქმედებს და მე იმ კანონებს ვიცავ. მე არ მინდოდა, რომ საქართველო მსოფლიო საერთაშორისო პრეცედენტებში შესულიყო, როგორც ქვეყანა, რომლის 2-ჯერ პრეზიდენტმა, ცუდმა, კარგმა, ასეთმა, ისეთმა, ასე ფიქრობს, ისე ფიქრობს, მნიშვნელობა არ აქვს ჩემთვის ამ შემთხვევაში, თქვა უარი საკუთარი ქვეყნის მოქალაქეობაზე. ეს არ მინდოდა რომ მომხდარიყო, ამით არ მინდოდა, რომ გავმხდარიყავით კიდევ ერთხელ ოდიოზური პრეცედენტის მატარებელი სახელმწიფო", - განაცხადა მარგველაშვილმა.
