მოყვარულ სტუდენტურ თეატრთა საერთაშორისო ფესტივალი „ნიღაბი 2015" გრძელდება.  მაყურებლის წინაშე დღეს ლატვიის სახელმწიფო აგრარული უნივერსიტეტის თეატრალური დასი წარდგა, რომელიც ფესტივალში წელს პირველად მონაწილეობს.  უნივერსიტეტის სტუდენტებმა ანტონ ჩეხოვის პიესის მიხედვით დადგმული სპექტაკლი „ლეში"  წარმოადგინეს.

„ნიღაბი" არის ყოველწლიური საერთაშორისო სტუდენტური ფესტივალი, სადაც სხვადასხვა უნივერსიტეტების თეატრალური დასები მათ მიერ დადგმულ სპექტაკლებს წარადგენენ. 6-კაციანი ჟიური კი გამარჯვებულებს 10 ნომინაციაში გამოავლენს.

ფესტივალი 30 ნოემბერს დაიწყო და 10 დეკემბრამდე გაგრძელდება. 10 დეკემბერს კი „თიბისი გალერეაში" ფესტივალის საზეიმო დახურვა და დაჯილდოების ცერემონია გაიმართება.