„ნაციონალური მოძრაობის" წევრი დავით დარჩიაშვილი ევროკომისიის ანგარიშთან დაკავშირებით კომენტარს აკეთებს. როგორც დარჩიაშვილი „რეპორტიორთან" საუბრისას აცხადებს, ანგარიში მოსახლეობას მრავალ შესაძლებლობას აძლევს.
„ევროკომისიის გადაწყვეტილებას, რა თქმა უნდა, დადებითად ვაფასებ, რადგან ვიზა-ლიბერალიზაცია ჩვენი ქვეყნის განვითარებას მნიშვნელოვნად შეუწყობს ხელს.
საქართველოს მოქალაქეებისთვის ვიზა-ლიბერალიზაცია ნიშნავს ევროპის ბევრ ქვეყანაში, სადაც შენგენის სისტემა მოქმედებს, მოგზაურობის თვისობრივ გაუმჯობესებას, ვიზა-ლიბერალიზაციის შემდეგ კი შესაძლებელი იქნება უვიზო მიმოსვლა.
მნიშვნელოვანია იმითაც, რომ ევროპაში სწავლის მსურველები უფრო მარტივად შეძლებენ ამ ქვეყნებში წასვლას. გამარტივებული მიმოსვლა ასევე მნიშვნელოვანია საქართველოს მოქალაქეებისთვის, რომლებიც უბრალოდ სამოგზაუროდ დადიან ამ ქვეყნებში. მოგზაურობის შედეგად ისინი ამდიდრებენ საკუთარ კულტურულ მსოფლმხედველბას და ეს, რა თქმა უნდა, მნიშვნელოვანია ქვეყნისთვის. ასევე სასარგებლოა ჯანდაცვის საკითხებისა და ბიზნესკონტაქტებისთვის", - აცხადებს დარჩიაშვილი „რეპორტიორთან" საუბრისას.
