პოლიტოლოგი სოსო ცინცაძე ევროპასთან ვიზის ლიბერალიზებას დადებითად აფასებს, თუმცა აქვე აცხადებს, რომ საქართველოს მოქალაქეების დიდ ნაწილს ევროპაში წასასვლელად არათუ ვიზა, არამედ თანხების არარსებობა აფერხებთ. ამის შესახებ ცინცაძე „კვირის ქრონიკას" ესაუბრა.
„ნებისმიერ შემთხვევაში, ეპითეტების გარეშე რომ ვთქვათ, ვიზა-ლიბერალიზაცია ძალიან დადებითი ნაბიჯია ჩვენი ქვეყნისთვის. რაც უფრო მეტ ქვეყანაში გვექნება ჩასვლისა და მოგზაურობის უფლება, მით უკეთესია. გაივლის ეს ეიფორია, ზეიმი, სიხარული და მთავარია, მშრალი ნარჩენების სახით რა შეგვრჩება ხელში. რამდენი რიგითი მოქალაქე ისარგებლებს ამ პრივილეგიით, ჟურნალისტებმა ეს უნდა გამოიკვლიოთ. ჩვენი მოსახლეობის დიდი ნაწილი იმიტომ ვერ დადიოდა ევროპაში სამოგზაუროდ, რომ არ ჰქონდათ ფული. მათთვის, ვისაც ფული ჰქონდა, ვიზის აღება და ევროპაში მოგზაურობა პრობლემა ისედაც არ იყო. მოკლედ, როგორც ყველა გზა რომისკენ მიდის, ასე ყველა გზა ფულისკენ მიდის. თუ ფული ექნება ხალხს, მათთვის მოგზაურობა პრობლემა ისედაც არ იქნება", - განაცხადა სოსო ცინცაძემ.
წყარო: „კვირის ქრონიკა"
