NDI-ის მიერ გამოქვეყნებულ კვლევებთან დაკავშირებით ფრაქცია „ქართული ოცნების" წევრი ზურაბ ტყემალაძე „რეპორტიორთან" საუბრისას ამბობს, რომ არ ენდობა ამ კვლევებს და შესაბამისად ხაზს უსვამს იმას, რომ პრემიერის 3 წლიანი ანგარიში ძალიან მნიშვნელოვანია.

„NDI-ის კვლევებთან დაკავშირებით ჩვენ არაერთხელ განგვიცხადებია, რომ არ ვენდობით, აქედან გამომდინარე, ბუნებრივია, უარყოფითი დამოკიდებულება მაქვს. ამასთან, პრემიერმა საკმაოდ მნიშვნელოვანი ანგარიში გააკეთა 3-წლიანი მოღვაწეობის შესახებ, რაც ძალიან შთამბეჭდავი იყო. „ნაციონალური მოძრაობა" ოპოზიციაა და, რა თქმა უნდა, უარყოფითად შეაფასებს ამ ყველაფერს", - აცხადებს ზურაბ ტყემალაძე.