საქართველოს პატრიარქის, უწმინდესისა და უნეტარესის, ილია მეორეს თქმით, უფალს ძალიან უყვარს საქართველო და მისი შეწევნით 38 წლის მანძილზე ბევრი რამ გაკეთდა.
"მე ვმადლობ უფალს მისი დიდი წყალობისათვის. ამ წლების მანძილზე მე მუდამ ვგრძნობდი უფლის სიახლოვეს, რომელსაც უჭირავს ჩემი ხელი და მატარებს ურთულეს გზებზე. უფალს ძალიან უყვარს საქართველო და მთელი მსოფლიო, ძალიან ხშირად გვიგზავნის განსაცდელებს, მაგრამ არასდროს არ გვშორდება. წყალობა უფლისა და მადლი ღვთისა გფარავდეთ თქვენ და სრულიად საქართველოს. დალოცვილი და გახარებული გამყოფოთ მამაზეციერმა", - განაცხადა ილია მეორემ ქადაგების დროს.
დღეს უწმინდესისა და უნეტარესის, ილია მეორის ინტრონიზაციის 38-ე წელი შესრულდა. ილია მეორის ინტრონიზაცია 1977 წლის 25 დეკემბერს სვეტიცხოვლის საკათედრო ტაძარში მოხდა.
