„თინა ხიდაშელის თავდაცვის მინისტრობა არ მგონია კითხვის ნიშნის ქვეშ დადგეს, მაგრამ მისი საგარეო საქმეთა მინისტრობა კითხვის ნიშნის ქვეშ დადგება", - აღნიშნული განცხადება ექსპერტმა მამუკა არეშიძემ „ალიასთან" ინტერვიუში გააკეთა. მისი თქმით, საუბარი იყო, რომ გიორგი კვირკაშვილს თინა ხიდაშელი შეცვლიდა, მაგრამ არეშიძის ვარაუდით, ეს ასე არ მოხდება. ამასთან, ექსპერტი იმ მინისტრებსაც ასახელებს, ვისაც საკადრო ცვლილებები არ შეეხებათ.
„აქვე გეტყვით, რომ ჯერჯერობით ნაადრევია კონკრეტული გვარების დასახელება, ვინ შეცვლის განათლების, კულტურის, ფინანსთა და შერიგების მინისტრებს. ნოდარ ხადური ის ფიგურაა, რომლის შეწირვა მოხდება კლასიკურად, ბევრი მიზეზის გამო, ერთ-ერთი მიზეზი ლარის დევალვაციაა. ის საზოგადოებაში დიდ აგრესიას იწვევს, სწორედ ამ ტიპის მინისტრებმა წარმოშვეს დიდი აგრესია საზოგადოებაში, ამიტომაც გახდა საჭირო მათი მოცილება. შესაძლოა კიდევ რამდენიმე მინისტრი აღმოჩნდეს ამ ბადეში. გასაგები მიზეზების გამო, მათ ვერ დავასახელებ... ახლა გეტყვით ვინ იქნება ხელშეუხებელი მინისტრი. ესენი გახლავთ: კახა კალაძე, ნოდარ ჯავახიშვილი, დავით სერგეენკო და კახა კახიშვილი", - განაცხადა არეშიძემ.
წყარო: გაზეთი „ალია"
(მოამზადა ალა გრიგალაშვილმა)
