თურქეთის პრეზიდენტმა რეჯეპ ტაიპ ერდოღანმა ახალგაზრდა მამაკაცი სიკვდილისგან იხსნა. მამაკაცი ხიდიდან გადახტომას ცდილობდა, რა დროსაც თურქეთის პრეზიდენტის ესკორტი ხიდზე გადიოდა. ადგილზე პოლიცია იყო მობილიზებული. პრეზიდენტმა მანქანა გააჩერა და დაცვის წევრებს მამაკაცთან გასაუბრება დაავალა. დაცვის წევრებმა მამაკაცს უთხრეს, რომ მანქანაში პრეზიდენტი იმყოფებოდა და ის მისი პრობლემების მოგვარებაში დაეხმარებოდა. მამაკაცი ჯებირიდან გადმოვიდა, პრეზიდენტის ავტომობილში ჩაჯდა და ცოტა ხნის საუბრის შემდეგ პრეზიდენტს მადლობა გადაუხადა, რის შემდეგაც თავის მოკვლაც გადაიფიქრა.