„100 %-ით დარწმუნებული ვარ, ლეონიდ ჩერნოვეცკის შანსები არის ნულოვანი", - ამის შესახებ კიევის ყოფილ მერზე საუბრისას ლტოლვილთა და განსახლების მინისტრმა სოზარ სუბარმა განაცხადა. მისი შეფასებით, ჩერნოვეცკის განცხადებები და დაპირებები არარეალურია. „საზოგადოებამ კარგად იცის, რა არის მიღწევადი და რა არა", - განაცხადა სუბარმა.
რაც შეეხება მურმან დუმბაძეს, რომელიც ჩერნოვეცკის გუნდში გაწევრიანდა, სუბარი ამბობს, რომ უმჯობესი იყო, ის დამოუკიდებლად ყოფილიყო.
„მურმან დუმბაძემ ბევრი არასწორი რამ თქვა, ბევრი შეცდომაც დაუშვა, მაგრამ მაინც პატივს ვცემ. იგი კარგ გუნდში იყო, ბოლოს კი სადღაც გაუგებრობაში წავიდა. გაცილებით გასაგები და უკეთესი იქნებოდა, მარტო ყოფილიყო და მურმან დუმბაძედ - კოლორიტად მაინც დარჩენილიყო", - განაცხადა სუბარმა.
წყარო: გაზეთი „კვირის პალიტრა"
(მოამზადა ალა გრიგალაშვილმა)
