„რომელი უწყება საჭიროებს რეფორმირებას?" - „რეპორტიორის" მიერ დასმულ ამ შეკითხვას "მართვის სტრატეგიული ინსტიტუტის" ხელმძღვანელი პეტრე მამრაძე პასუხობს:

„საქართველოში მართვის სისტემა არის ძალიან სუსტი, ამიტომ ყველა უწყება ძირეულ რეფორმირებას  საჭიროებს.

როცა სისტემაა მანკიერი არავითარი აზრი არა აქვს კონკრეტულ უწყებებსა, თუ ცალკეულ პიროვნებებზე საუბარს. ხდება ყველაფრის ნიველირება...

გავიხსენოთ, 2012 წელს, ბიძინა ივანიშვილის სიტყვები წინასაარჩევნო კამპანიის დროს - „20 წელზე მეტია მოჯადოებულ, მანკიერ წრეზე დავდივართ მთელი ერი, დროა გავარღვიოთ ეს წრე და გადავიდეთ განვითარებაზე!"...

საქართველოში, ამ პატარა ქვეყანაში არ უნდა იყოს 20 მინისტრი, მაშინ, როცა 14  საკმარისზე მეტია. საჭიროა გუბერნატორების ინსტიტუტის საერთოდ გაუქმება. უნდა დაიწყოს სისტემური გარდაქმნა. უნდა გაუქმდეს სახელმწიფო მინისტრების მანკიერი ინსტიტუტი. ამ სისტემაში მყოფი ადამიანებიდან შეიძლება ძალიან ბევრი კარგი კადრია; სერგეენკო შესანიშნავი მინისტრია, თუმცა ყველა ექიმი აღნიშნავს, რომ სისტემაში არ შედის საკმარისი ფინანსები რათა სისტემამ ეფექტურად იმუშაოს. მასზე არ არის დამოკიდებული, როგორ დაფინანსდება ჯანდაცვის სამინისტრო. ამიტომ სისტემა უნდა იყოს შესაბამისი, რათა მინისტრმაც და პროფესიონალმა ექიმებმაც ეფექტურად იმუშაოს", - აცხადებს მამრაძე „რეპორტიორთან" საუბრისას.