31 დეკემბერს და 1-ელ იანვარს დე-ფაქტო საზღვარი ჩაიკეტება, გადაწყვეტილება ოკუპირებული სამხრეთ ოსეთის მარიონეტულმა რეჟიმმა მიიღო. სააგენტო "სპუტნიკ-ოსეტიას" ინფორმაციით, განცხადება ე.წ. სახელმწიფო უსაფრთხოების კომიტეტის ხელმძღვანელის მოადგილე ედუარდ ჯაბიევმა დე-ფაქტო პრეზიდენტ ლეონიდ თიბილოვთან გამართულ თათბირზე განაცხადა.
თიბილოვმა განცხადებით, ეს ზომა დღესასწაულების პერიოდში აუცილებელია და გადაწყვეტილება "საქართველოს ტერიტორიაზე ისლამური სახელმწიფოს მებრძოლთა ყოფნის შესახებ" ინფორმაციას უკავშირდება.
"მსოფლიოში სამხედრო-პოლიტიკური ვითარება ისევ მძიმეა. რუსეთი გლობალური უსაფრთხოების გაძლიერებისთვის საჭირო ზომებს კვლავ იღებს და ტერორისტულ ორგანიზაცია "ისლამურ სახელმწიფოსთან" წარმატებულ ბრძოლას ახორციელებს. ჩვენი რესპუბლიკის უშიშროების სამსახურები მუდმივ მზადყოფნაში უნდა იყონ იმ ინფორმაციის გათვალისწინებით, რომ საქართველოს ტერიტორიაზე "ისლამური სახელმწიფოს" მებრძოლები იმყოფებიან", - განაცხადა თიბილოვმა.
