ამერიკელი კონგრესმენი და ნატო-ში შეერთებული შტატების დელეგაციის ხელმძღვანელი, მაიკლ ტერნერი საქართველოში სამართლებრივი დევის ფაქტებზე სპეციალურ განცხადებას ავრცელებს.
როგორც მან საქართველოს პარლანეტის საგარეო ურთიერთობათა კომიტეტის ხელმძღვანელ, თედო ჯაფარიძესთან შეხვედრის შემდეგ განაცხადა, კონგრესმა მიიღო შესწორებები, რომელიც საერთო შეშფოთებას გამოხატავს.
„საქართველოში პოლიტიკური ვითარებას ძირს უთხრის სამართლებრივი დევნისა და ძალადობის ფაქტები. კონგრესში საქართველოს მთავრობას ბევრი მხარდამჭერი ჰყავს, რომლებიც საქართველოს ახალი ხელისუფლებისგან ძლიერ დემოკრატიას ელიან. სამართლებრივი დევნის, უფლებების შელახვისა და ძალადობის ინციდენტები, სერიოზულ პრობლემებს ქმნის. დემოკრატიულ ინსტიტუტებს ღირსეული მოპყრობა სჭირდება",- განაცხადა კონგრესმენმა.
მისი თქმით, ამ საკითხზე ის საქართველოს პარლამენტის საგარეო საქმეთა კომიტეტის თავმჯდომარესაც ესაუბრა.
