ნორვეგიის საზღვართან შვედური კომპანია „ვესტ ატლანტიკის" კუთვნილმა საფოსტო თვითმფრინავმა, რომელიც ოსლოდან ტრომსეს მიმართულებით ახორციელებდა ფრენას კატასტროფა განიცადა.

ადგილობრივი მედიის ცნობით, კატასტროფის მომენტში ბორტზე 2 პილოტი - 42 წლის ესპანელი და 34 ფრანგი იმყოფებოდნენ. მათი ბედი ამ დრომდე უცნობია.

CRJ 200-ის მოდელის თვითმფრინავი გუშინ ღამე, შვედეთის ჩრდილო-დასავლეთში ჩამოვარდა. კატასტროფის მიზეზი ჯერჯერობით უცნობია, თუმცა როგორც პრესა იტყობინება, თვითმფირნავი რადარებიდან აფრენიდან ერთ საათში გაქრა და სიჩქარე სწრაფად დაკარგა.

თვითმფრინავის ფრაგმენტები ნაპოვნია, ადგილზე მიმდინარეობს სამძებრო-სამაშველო სამუშაოები.