ოზურგეთის მერიამ 51 უსახლკარო ოჯახს საცხოვრებელი ფართი გადასცა - გურიის გუბერიის ინფორმაციით ოზურგეთის მაჟორიტარმა დეპუტატმა, საპარლამენტო უმრავლესობის ლიდერმა ზვიად კვაჭანტირაძემ, გურიის გუბერნატორმა გია სალუქვაძემ და ქალაქის მერმა ბეგლარ სიორიძემ დღეს ბენეფიციარებს საცხოვრებელი ფართის გასაღებები საზეიმო ვითარებაში გადასცეს.
თავშესაფარი ქალაქ ოზურგეთის ყოფილი სამშობიაროს შენობაში განთავსდა.
მერიის შესაბამისი კომისიის მიერ შესწავლის შედეგად საცხოვრებელი ფართი შშმ პირებმა, მარტოხელა მრავალშვილიანმა ოჯახებმა, მარტოხელა პენსიონერებმა, მარჩენალდაკარგულებმა, სტიქიის შედეგად დაზარალებულებმა და მარტოხელა დედებმა მიიღეს.
უსახლკარო ოჯახებისთვის რეაბილიტირებული საცხოვრებელი შენობის სარეაბილიტაციო სამუშაოების ღირებულებამ 407 508 ლარი შეადგინა.
