„რატომ შეხვდა შესაბამისი სამსახურები უამინდობას მოუმზადებელი?" - გაზეთ „რეზონანსის" მიერ დასმულ შეკითხვას რეჟისორი მერაბ კოკოჩაშვილი პასუხობს:

„ამგვარი პრობლემების აღმოფხვრისთვის წინასწარი პრევენციაა საჭირო, რომელზეც ქვეყნის შესაბამისმა ორგანოებმა უნდა იზრუნონ. მესმის, რომ ყველაფერი ყოველთვის რიგზე ვერ იქნება, მაგრამ ღრმად ვარ დარწმუნებული, რომ ასეთ შემთხვევაში სწორად მუშაობაა საჭირო, რათა მოსახლეობა არ დაზარალდეს.

ყველა ჩვენთაგანის საქმეა მაქსიმალურად სწორად შევასრულოთ ნაკისრი ვალდებულება. ამაზე ხელისფლება უნდა ზრუნავდეს, ჩვენ კი მსჯელობა არ უნდა გვჭირდებოდეს. ცივილურ გზას მხოლოდ ასეთ შემთხვევაში თუ დავადგებით", - ამბობს კოკოჩაშვილი.

წყარო: რეზონანსი