ტელეკომპანია „CNN"-ს ერაყელმა სამხედროებმა განუცხადეს, რომ ტერორისტული დაჯგუფება „ისლამური სახელმწიფოს" ერთ-ერთი ლიდერი ალი ნასერ ალ-ობეიდი ერაყის ქალაქ ბარვანაზე განხორციელებული ავიადარტყმების შედეგად მოკლეს.

ობეიდი ჩრდილოეთ ერაყსა და აღმოსავლეთ სირიის სამხედრო მეთაური იყო. მანამდე ის სადამ ჰუსეინის რესპუბლიკური არმიის სპეციალურ ძალებს ხელმძღვანელობდა.

ტელეკომპანიის ცნობით, ის დაჯგუფებაში აბუ ბაქრ ალ-ბაღდადის შემდეგ მეორე პირი იყო, რომელიც საკუთარ თავს ხალიფას უწოდებს.