პარტია „ქართული ოცნების" აღმასრულებელმა მდივანმა ირაკლი კობახიძემ „კვირის პალიტრასთან" ინტერვიუში განაცხადა, რომ არსებული სიჭარბით, მომავალ პარლამენტში მსახიობებსა და სპორტსმენებს არ იხილავს მოსახლეობა.

„მთავარ გამოწვევას მომავალ პარლამენტში დეპუტატების მნიშვნელოვნად გადახალისება წარმოადგენს. ვადასტურებთ, რომ არსებული სიჭარბით, მომავალ პარლამენტში ჩვენს რიგებში მსახიობებსა და სპორტსმენებს არ იხილავთ. აქცენტი კონკრეტულ სფეროებში გამოცდილ, პროფესიონალ ადამიანებზე გაკეთდება.

ბუნებრივია, ნებისმიერი გადახალისება მტკივნეული პოროცესია, თუმცა თითოეული საკადრო საკითხის გუნდურად განხილვას ვგეგმავთ. დარწმუნებული ვარ, ეს პროცესი კონსტრუქციულად გაივლის". - აცხადებს კობახიძე.

წყარო: კვირის პალიტრა

მოამზადა ნათია ცუხიშვილმა