ტელეკომპანია „რუსთავი 2" ავრცელებს ინფორმაციას, რომ კულტურის სამინისტროს არქივში ის დოკუმენტი იპოვეს, რომლის საფუძველზეც ვან დეიკის შედევრი საქართველოდან გავიდა.

2010 წლის დეკემბრის თვეში 10 კაციანმა კომისიამ დოკუმენტი გასცა და ნებართვა მისცა მომთხოვნ პირებს ტილოს ქვეყნიდან გატანის შესახებ.

დოკუმენტში ტილოს შექმნის ადგილად ევროპა არის მითითებული, ხოლო შექმნის დროდ მეოცე საუკუნის დასაწყისი.

ტილოს გადამყიდველების განცხადებით, 2010 წელს სწორედ კულტურის სამინისტროს სპეციალურმა კომისიამ ეს ნამუშევარი უცნობ ავტორს მიაკუთვნა, შეაფასა 5 ათასად და გასცა მისი ქვეყნიდან გატანის ნებართვა.

გადამყიდველების განცხადებით, მათ ნახატი კანონის ფარგლებში გაიტანეს ქვეყნიდან.