ირაკლი ღარიბაშვილის პარტიიდან შესაძლო წასვლის შესახებ „კვირის ქრონიკის" ჟურნალისტს საპარლამენტო უმრავლესობის წევრი ომარ ნიშნიანიძე ესაუბრა. მისი თქმით ირაკლი ღარიბაშვილის პარტიიდან წასვლა გადაწყვეტილი ჯერ არ არის და არც იმას გამორიცხავს, რომ ღარიბაშვილმა ახალი პარტია შექმნას, რომელიც „ქართულ ოცნებასთან" ახლოს იქნება":
„პარტიიდან წავიდაო, ვერ ვიტყვით, ჯერ ეგეც არ არის გადაწყვეტილი. ის სერიოზულ ნაბიჯებს გადადგამს პოლიტიკაში და ნუ გამოვრიცხვათ, რომ ეს მოხდეს ჩვენი პარტიის კუთხიდან. ირაკლი ღარიბაშვილს აქვს საკმაო რესურსი, რომ პოლიტიკაში თავისი სიტყვა თქვას. თუ „ქართული ოცნება" ამ პოტენციალს ხელიდან გაუშვებს, ეს იქნება ძალიან საწყენი, არ იქნება სწორი. არც იმას გამოვრიცხავ, რომ ახალი პარტია შექმნას, რომელიც „ქართულ ოცნებასთან" ახლოს იქნება. ყოველ შემთხვევაში, ირაკლი კოალიციის გარეთ არ იქნება. დარწმუნებული ვარ, ირაკლი ღარიბაშვილი ბოლომდე დარჩება „ქართული ოცნების" ერთგული. ერთი რამის მჯერა და დარწმუნებული ვარ, რომ მას რაღაც გათვლები აქვს. ეს პროცესები საქმეს უკეთესობისკენ წაიყვანს, ირაკლი პოლიტიკაში გააქტიურდება და იქნება მეორე ძალა არჩევნებში. შეიძლება ამ დღეებში ბევრი რამ გაირკვეს, მოვლენებს ვერ დავასწრებ, ვნახოთ", - განაცხადა ომარ ნიშნიანიძემ.
მოამზადა სოფო ხუგოიანმა
წყარო: კვირის ქრონიკა
