„კვირის ქრონიკა" საარჩევნო სიებთან დაკავშირებით კავკასიის საკითხებში ექსპერტ, მამუკა არეშიძეს ესაუბრა. არეშიძის თქმით ბიძინა ივანიშვილი ცდილობს, სიტუაცია მიიყვანოს იმ კონდიციამდე, როცა სიის პირველი ათეულის გამოცხადება საზოგადოებისთვის სასიამოვნო მოულოდნელობა იქნება.
„სიის პირველი ნომრის კანდიდატურა რამდენიმე კაცში გადაწყდება, ამ სიაში იქნება კვირიკაშვილიც და კალაძეც. სხვებს ვერ დავასახელებ.
ივანიშვილმა პოლიტიკური გამოცდილება მიიღო და ცდილობს, მაქსიმალური თავისუფლება მისცეს ახალ პრემიერ-მინისტრს. სხვათა შორის, არც პარტიის ხელმძღვანელობას ზღუდავს, თუმცა აკონტროლებს. ფაქტია, რომ მმართველ ძალაზე კონტროლს არ კარგავს. ამაში განსაკუთრებულ ცუდს ვერ ვხედავ, რადგან ამ ეტაპზე ქვეყანას ასე სჭირდება. ივანიშვილი ცდილობს, სიტუაცია მიიყვანოს იმ კონდიციამდე, როცა სიის პირველი ათეულის გამოცხადება საზოგადოებისთვის სასიამოვნო მოულოდნელობა იქნება. ამ მიმართულებით მუშაობს და რამდენად გამოუვა „სასიამოვნო მოულოდნელობა", ეს სხვა საკითხია, მაგრამ საქმე აქეთკენ მიდის", - ამბობს მამუკა არეშიძე.
მოამზადა სოფო ხუგოიანმა
წყარო: კვირის ქრონიკა
