საფრანგეთში ახალი მედიკამენტის გამოცდის შედეგად ექვსი ადამიანი დაშავდა. მათ შორის ერთი კომაშია. „საზოგადოებრივი მაუწყებლის" მიერ გავრცელებული ინფორმაციით ცდის ფარგლებში მონაწილეებს ევროპული ლაბორატორიის მიერ შექმნილი ნარკოტიკული საშუალება უნდა მიეღოთ, რომელსაც, დაუზუსტებელი ინფორმაციით, ტკივილგამაყუჩებელი ეფექტი უნდა ჰქონოდა.

ქვეყნის ჯანდაცვის სამინისტროს ინფორმაციით, კლინიკური ცდა ქალაქ რენში მდებარე ერთ-ერთ კერძო ლაბორატორიაში ჩატარდა. ამ დროისთვის ცდა შეწყვეტილია. ჯერ უცნობია, რამდენი მოხალისე მონაწილეობდა ექსპერიმენტულ კვლევაში.