არასამთავრობო ორგანიზაციების ნაწილი "გაზპრომთან" გამართული შეხვედრების გასაჯაროებას და პარლამენტში ენერგეტიკის მინისტრ კახა კალაძის მისვლას მოითხოვს.
უნდა გასაჯაროვდეს თუ არა "გაზპრომთან" წარმოებული მოლაპარაკება? - ამ კითხვით "რეზონანსმა" ასტროლოგ მიხეილ ცაგარელს მიმართა:
„ვუსმინე კახა კალაძეს და საკმაოდ ბევრი რამ გასაგებად თქვა. თუ ამის გარდა "გაზპრომთან" დაკავშირებით კიდევ არის რაიმე, მაშინ, რა თქმა უნდა, გასაჯაროება აუცილებელია.
საქართველოს აქვს არნახული შესაძლებლობა რუსეთიდან ტურისტები მოიზიდოს, ამისთვის ურთიერთობა აუცილებლად უნდა გააქტიურდეს. ამიტომ არ აქვს მნიშვნელობა, ეს "გაზპრომი" იქნება თუ სხვა რამ, ისედაც ყველაფერი რუსეთს ეკუთვნის. რა, წყალი არ არის რუსული? მის ზურგს უკან სწორედ რუსეთი დგას, "თელასი", ჩვენი ოქრო მარნეულში, სწორედ რუსეთის ხელშია. რომელი ენერგომატარებელი არ არის რუსეთის ხელში, ერთი რკინიგზა დაგვრჩა, ყველაფერი დანარჩენის მიღმა კი რუსეთი დგას. სააკაშვილმა ყველაფერი რუსეთს მიჰყიდა, თუმცა კი მტრად მოიხსენიებდა. ამიტომ ვის ვატყუებთ, ყველაფერს რუსეთი ფლობს და ახლა "გაზპრომზე" რატომ ატყდა ამხელა ამბავი, ვერ გავიგე.
საქართველოს შემდგომი განვითარება თუნდაც ევროპასთან დამოკიდებულია რუსეთთან ურთიერთობის დალაგებაზე", - ამბობს ცაგარელი.
წყარო: რეზონანსი
