ირანს ბირთვული პროგრამის გამო დაწესებული სანქციები მოეხსნა, რომელიც 2005 წელს შემოიღეს. აშშ-ის პრეზიდენტმა ბარაკ ობამამ ეკონომიკური სანქციების მოხსნის შესახებ ბრძანებას ხელი უკვე მოაწერა.
ევროკავშირის უმაღლესი კომისრის ფედერიკა მოგერინისა და ირანის საგარეო საქმეთა მინისტრის მოჰამედ ჯავად ზარიფის ერთობლივ განცხადებაში, საუბარია ირანისთვის სანქციების მოხსნის შესახებ.
„გამომდინარე იქიდან, რომ ირანმა შეასრულა ვალდებულებები, მოეხსნა მრავალმხრივი ეკონომიკური და ფინანსური სანქციები, რომელიც ირანის ბირთვულ პროგრამას უკავშირდებოდა", - აღნიშნულია ერთობლივ დოკუმენტში.
ირანისთვის ეკონომიკური სანქციების მოხსნის გადაწყვეტილება ატომური ენერგეტიკის საერთაშორისო სააგენტოს დასკვნის შედეგად მიიღეს.
ბირთვული პროგრამის შემუშავების გამო ირანის წინააღმდეგ სანქციები 2005 წელს შემოიღეს.
