„პროკურატურის მუშაობასთან დაკავშირებით პრეტენზია ნამდვილად არ მაქვს. დარწმუნებული ვარ მუშაობენ და იმედი მაქვს, რომ იურის მკვლელობის შემკვეთებსაც მალე გამოავლენენ", - განცხადებას მოკლული იური ვაზაგაშვილის მეუღლე ციალა შანავა, „ასავალ დასავალთან" ინტერვიუში აკეთებს. ციალა შანავა თვლის, რომ იური ვაზაგაშვილის მკვლელებს სამუდამო პატიმრობა ეკუთვნოდა.
„მკვლელობის შემსრულებელ სოსანაშვილისთვის 20 წლიანი პატიმრობის მისჯით უკმაყოფილო დავრჩი, რადგან იურის მკვლელს სამუდამო პატიმრობა ეკუთვნოდა და სოსანაშვილისთვის 20 წლიანი პატიმრობა მსუბუქი სასჯელია.
მსოფლიოში არ მომხდარა შემთხვევა, რომ მოკლული შვილის საფლავზე მამა აეფეთქებინათ, ამიტომაც მხოლოდ მე კი არა, ყველას ეგონა, რომ ამის გამკეთებელ არაკაცს ციხეში სამუდამოდ ჩასვამდნენ", - ამბობს ციალა შანავა.
მოამზადა სოფო ხუგოიანმა
წყარო: ასავალ-დასავალი
