პროკურატურის მიერ ბიზნესმენ ბესო ხარძიანის მკვლელობის საქმის გახსნილად გამოცხადებას გამოეხმაურა ბესარიონ ხარძიანის შვილი ბესო ხარძიანი. მისი თქმით, ოჯახს პირველ რიგში დამკვეთის ვინაობა აინტერესებს.

„ჩემი და ჩემი ოჯახისთვის პირველ რიგში მნიშვნელოვანია დამკვეთი და დღეს, რომ ბესო ხარძიანი მიწაში წევს ეს არის გიორგი უდესიანის და რეზო ქურასბედიანის „დამსახურება". უბრალოდ რამხელა დამსახურება აქვს აქ ეს არის გამოსაძიებელი და გასარკვევი. რაც შეეხება დღევანდელ პროცესს და იმ ბრიფინგს რაც პროკურატურამ ჩაატარა, ეს ყველაფერი ჩვენ ვიცოდით მანამდეც. ოჯახს პროკურატურა მაქსიმალურად გვაყენებდა საქმის კურსში და ეს პროცესები ჩვენ ვიცოდით", - განაცხადა ბესო ხარძიანმა „მაესტროსთან" საუბრისას.