საპარლამენტო უმრავლესობის წევრი, ლუკა კურტანიძე „კვირის ქონიკასთან" ინტერვიუში ლარის გაუფასურების შესახებ საუბრობს. ჟურნალისტის კითხვაზე იმის შესახებ, რომ საზოგადოებისთვის ლარის კურსის ასეთი ცვლილება მართლაც კატასტროფის ტოლფასია, რადგან ბანკში აღებული სესხების დაფარვა უჭირთს, კურტანიძე პასუხობს:
„რაც ჩვენს გარშემო ხდება, ამის ფონზე როცა საქართველოში ლარი 3-4 პუნქტით უფასურდება, ლამის კატასტროფად ხატავენ.
ჩვენში ბანკები სცოდავენ... ჩემი აზრით, ეს სისტემა საერთოდ მოშლილია. აქ ბევრი რამეა დასარეგულირებელი, რადგან სიტუაცია თვითდინებაზეა მიშვებული. იმიტომ, რომ ეს არ არის გუშინდელი პრობლემა. ვაჟბატონი ქადაგიძე რომ გამოდის და მამა აბრამის ბატკანივით ლაპარაკობს, ასე არ არის. იქით საკონსტიტუციო სასამართლოს ჰყავს კიდევ „ნაციონალი" თავმჯდომარე, გიორგი პაპუაშვილი. ჩვენ კარგად ვიცით, ვინ სად იყო და როგორ იყო. რომ არა ეს ხალხი, ბევრი რამე სამართლიანად გადაწყდებოდა. ეს პრობლემები უახლოეს ხანში გადაიჭრება, ამაზე წავა აქტიური მუშაობა. ბანკების მიშვება ასე არ შეიძლება, ისინი თვითნებურად ზრდიან პროცენტებს და კურსის რყევასაც ხელოვნურად იწვევენ."- განაცხადა კურტანიძემ.
