„თუ ლგბტ-აქტივისტ ლევან ბერძენიშვილს განათლების მინისტრად დანიშნავენ, „ქართული ოცნების" მხარდამჭერთა რიცხვი კატასტროფულად შემცირდება", - აცხადებს აკადემიკოსი ელიზბარ ჯაველიძე „ასავალ-დასავალთან" ინტერვიუში. მისი თქმით, „რესპუბლიკელებს" შინაგან საქმეთა მინისტრის პოსტზეც საკუთარი კანდიდატის „დასმა" სურდათ, თუმცა „ფეხი არ ჩაუვიდათ".

„სამაგიეროდ, განათლების მინისტრის პორტფელისთვის იბრძვიან და ამ პოსტზე ლევან ბერძენიშვილს ლობირებენ. როგორ შეიძლება, განათლების მინისტრად დანიშნო კაცი, რომელიც არ ცნობს ილიას, აკაკის, შეურაცხყოფს ვაჟას?" - აცხადებს აკადემიკოსი.

ჯაველიძე ინტერვიუში ბიძინა ივანიშვილს მიმართავს:

„ბატონო ბიძინა, „რესპუბლიკელების" გვერდით თქვენი დგომა ქართველი ხალხისთვის მიუღებელია! დიახ, ხალხში ბიძინა ივანიშვილის ავტორიტეტი თუ იკლებს, ეს მნიშვნელოვანწილად „რესპუბლიკელების" გამო ხდება!.. " - აცხადებს ჯაველიძე.

წყარო: გაზეთი „ასავალ-დასავალი"

(მოამზადა ალა გრიგალაშვილმა)