მრავალი წლის წინ ამერიკელ ქალბატონ ინგებორგ მაკინტოშს დიდი ძალისხმევა დასჭირდა, რომ ბიჭი ეშვილა. ბავშვის დედა მოითხოვდა, რომ მშობელი აფროამერიკელი ყოფილიყო, მაგრამ დრო გადიოდა და ბიჭუნას მსურველი არ ჩანდა. ბოლოს ყველაფერი მოგვარდა და ჯორდანი ინგებორგთან აღმოჩნდა. ქალს მზრუნველობა და ყურადღება არ მოუკლია ბავშვისთვის. 20 წლის შემდეგ ექიმებმა დედას თირკმლის უკმარისობის დიაგნოზი დაუსვეს. ბიჭმა დონორობა გადაწყვიტა და ანალიზები ჩააბარა, რათა გაერკვია, მისი თირკმელი გამოდგებოდა თუ არა. გამოირკვა, რომ გამოდგებოდა.

ჯორდანი დაუფიქრებლად დათანხმდა ოპერაციას, რათა დახმარებოდა ქალს, რომელსაც მისთვის არაფერი დაუშურია. მისი სიტყვებით, ეს იყო ყველაზე ცოტა, რისი გაკეთებაც მას შეეძლო დედისთვის. ოპერაციის წინ ინგებორგს ყველაფერი გაუმხილეს, მან ჯორდანი დაიბარა და უთხრა: „დაფიქრდი, შენ კიდევ შეგიძლია უარის თქმა“. ბიჭმა უპასუხა: „დედა, მე მინდა, ეს შენთვის გავაკეთო“.

ოპერაციამ წარმატებით ჩაიარა. დღეს ინგებორგი ამბობს: „ოცნებაც კი არ შემეძლო უკეთეს შვილზე“.