საქართველოს პრემიერ-მინისტრის გიორგი კვირიკაშვილის გადაწყვეტილებას საარჩევნო სპეცუბნების გაუქმებასთან დაკაშირებით ისტორიკოსი სერგო ვარდოსანიძე მიესალმება. როგორც ვარდოსანიძემ „რეზონანსთან" საუბარში განმარტა, აღნიშნულ გადაწყვეტილებას იგი დემოკრატიული და ობიექტური არჩევნებისკენ გადადგმულ ნაბიჯად აფასებს.
„ნამდვილად მივესალმები დემოკრატიული და ობიექტური არჩევნების ჩატარებისთვის განხორციელებულ ნებისმიერ ცვლილებას. იმისთვის, რომ საერთაშორისო ორგანიზაციებში არანაირი მითქმა-მოთქმა არ იყოს, ამ კუთხით გადადგმული ნებისმიერი სწორი გადაწყვეტილება მისასალმებელია", - განაცხადა ვარდოსანიძემ.
შეგახსენებთ, სპეცუბნების გაუქმების შესახებ პოლიტიკური გადაწყვეტილება პრემიერ-მინისტრმა გუშინ არასაპარლამენტო ოპოზიციის ინტერპარტიულ ჯგუფთან შეხვედრაზე მიიღო.
(მოამზადა ნენე სტეფანიშვილმა)
წყარო: „რეზონანსი"
