აზერბაიჯანული კომპანია „სოკარი" განცხადებას ავრცელებს, სადაც ნათქვამია, რომ კომპანია „სოკარმა" „შაჰ დენიზისა" და სამხრეთკავკასიის გაზსადენის კონსორციუმთან, ზამთრის პერიოდში საქართველოსთვის ბუნებრივი აირის მიწოდების გაზრდის თობაზე, შეთანხმებას მიაღწია.

„მოლაპარაკებების შედეგად მიღწეული შეთანხმების თანახმად, მხოლოდ ზამთრის პერიოდში საქართველოში გაზის მიწოდება 50 მლნ კუბური მეტრით გაიზრდება. ქართული მხარის მხარდაჭერა კიდევ ერთი თვალსაჩინო მაგალითია აზერბაიჯანსა და საქართველოს შორის კეთილმეზობლობის და მომავალში ორმხრივი თანამშრომლობის გამყარებას უწყობს ხელს", - ნათქვამია „სოკარის" მიერ გავრცელებულ განცხადებაში.

აზერბაიჯანული მედიის ცნობით, გასულ წელს აზერბაიჯანმა საქართველოში 1,6 მლრდ მ³ გაზის ექსპორტი მოახდინა.