დასავლეთ საქართველოში ძლიერი ქარი ხვალ დილამდე შენარჩუნდება. გარემოს ეროვნული სააგენტოს მონიტორინგისა და პროგნოზირების ცენტრის განცხადებით, ქარის სიჩქარე ფოთში წამში 30 მეტრია, ქუთაისში - წამში 29 მეტრი. ძლიერი ქარი ღამითაც შენარჩუნდება, ხვალიდან დასავლეთში გამოიდარებს და შედარებით დათბება.

 
27 ნოემბრის ჩათვლით დასავლეთ საქართველოში სინოპტიკოსები უნალექო ამინდებს პროგნოზირებენ. ჰაერის საშუალო ტემპერატურა კი 18-20 გრადუსი იქნება.

აღმოსავლეთ საქართველოში ორი დღის განმავლობაში კვლავ ღრუბლიანი და ცივი ამინდია მოსალოდნელი. დღეს თბილისში ჰაერის ტემპერატურა 9 გრადუსი იქნება, აღმოსავლეთ საქართველოში კი - 7-12 გრადუსამდე.