ზუგდიდში საერთაშორისო, ასევე საქალაქთაშორისო მიკროავტობუსებისა და ავტობუსების 500-მდე მძღოლი გაიფიცა. მძღოლები წუხელ გვიან ღამით გაიფიცნენ. ისინი მთელი ღამის განმავლობაში ავტოსადგურში იმყოფებოდნენ.

აქციის მონაწილეები თურქული კომპანია „METRO"-ს ქსელის ავტობუსების შემოსვლას აპროტესტებენ. მათი განცხადებით, თუკი აღნიშნული ავტობუსები საქართველოში შემოვლენ, ისინი უმუშევრები დარჩებიან.

დღეს სადგურზე სამართალდამცველებიც იმყოფებოდნენ და მათი დახმარებით „METRO"-ს ფირმის პირველი ავტობუსი ავტოსადგურიდან გავიდა. თუმცა, აქციის მონაწილეები აცხადებენ, რომ ისინი ავტობუსებს მუშაობის საშუალებას არ მისცემენ.