თურქმა სამართალდამცავებმა სტამბოლში პაბლო პიკასოს დაკარგული ტილო აღმოაჩინეს. საუბარია 1940 წელს შექმნილ ტილოზე, სახელწოდებით „ქალი, რომელიც თმას ივარცხნის"'.

სპეცოპერაციის შედეგად ძალოვანებმა საერთაშორისო კონტრაბანდული დაჯგუფების წევრები დააკავეს. ისინი შედევრის შავ ბაზარზე 8 მილიონ დოლარად გაყიდვას ცდილობდნენ. სამართალდამცავები მათ მყიდველებად გაეცნენ და ეჭვმიტანილები ფაქტზე დააკავეს.

ტილოს შეერთებული შტატების ფედერალური საგამოძიებო ბიურო წლების განმავლობაში, მას შემდეგ ეძებდა, რაც ის ნიუ-იორკში მცხოვრები კოლექციონერის სახლიდან გაიტაცეს.