„ეროვნულობა პროგრესია და არა რეგრესი!", - ამ განცხადებას დიასპორის საკითხებში სახელმწიფო მინისტრის მოადგილე სანდრო ბრეგაძე აკეთებს, რომელსაც გთავაზობთ:
„ეროვნულობა არ ნიშნავს პრორუსულობას (პირიქით გამორიცხავს), სარწმუნოების დაცვა არ უნდა იქცეს შავრაზმელობად და რუსული "პრავოსლავნოსტის" ეგზარხოსულ გაგებად, რადგან ეს ტენდენციები აძლიერებს ეროვნულობის და მართლმადიდებლობის მტრებს. ეროვნულობა პროგრესია და არა რეგრესი, რომელიც თავის თავში გულისხმობს არც ერთთავიანი და არც ორთავიანი არწივის დომინაციას ქართველ ერზე. ამიტომ, ბოლოჯერ გაფრთხილებთ, რომ ნუ ეცდებით ეროვნული იდეები თქვენი "გრუზინული" და პრორუსული იდეების დასაფარად გამოიყენოთ, ეს ფარისევლობა ადვილად დასამტკიცებელი იქნება. ვინც პროამერიკელია ღიად უნდა განაცხადოს თავისი იდეები, ვინც პრორუსია მანაც, ხოლო ეროვნულობა ქართველობას ნიშნავს და ყოველგვარ უცხო დომინაციას გამორიცხავს ჩვენს ერზე. ეს ბოლო გაფრთხილებააა! შემდეგ იქნება მხილება!!!", - აცხადებს სანდრო ბრეგაძე.
