თბილისის მერის მოადგილის ირაკლი ლექვინაძის განცხადებით, თბილისში ყოველდღიურად 40 ათასამდე ტაქსი გადაადგილდება. შესაბამისად, თბილისის მერია ქალაქის ავტოპარკის განახლებას ეტაპობრივად, 4-5 წლის განმავლობაში გეგმავს. ტენდერი გამოცხადებულია და მასში მონაწილეობის სურვილი რამდენიმე უცხოურმა კომპანიამ გამოთქვა. ლექვინაძის განმარტებით, აგვისტოდან სექტემბრამდე ახალი, უსაფრთხო ავტობუსების პირველ ნაწილი შემოვა თბილისში. განცხდება თბილისის მერის მოადგილემ გადაცემა 2030-ში გააკეთა.

„უნდა ვიცოდეთ, რა ავტომობილი მოძრაობს და ვინ არის მეპატრონე. ლიცენზიის საკითხი არ განიხილება. ტაქსების რაოდენობა არ შეიზღუდება. ესაა პროცესი, რომელმაც აღრიცხვიანობა უნდა მოგვცეს. ტაქსით მოძრავ ადამიანებს ცხოვრება არ გაურთულდებათ და არ გაუძვირდებათ.

საცობების პრობლემის მოგვარებას უზრუნველყოფს კრწანისი-შინდისის მონაკვეთის მშენებლობა, რითაც თბილისის ცენტრიდან გარკვეული ნაკადების გადასროლა მოხდება. ასევე, ჩავატარეთ კვლევა გერმანულ კომპანიასთან ერთად, რომელმაც ხუთი სცენარი შემოგვთავაზა. შერჩეულ იქნა ყველაზე ოპტიმალური ვარიანტი, რაც შუქნიშნებით, კუნძულებით და სხვა მცირე ინფრასტრუქტურის მოწესრიგებით, მაგისტრალების გამტარიანობის ზრდას უზრუნველყოფს. გვაქვს 5-პუნქტიანი გეგმა, სადაც 2016 წელს განსახორციელებელი პროექტებია მოცემული, რომლებიც მოძრაობას მნიშვნელოვნად განტვირთავს", - აღნიშნა ირაკლი ლექვინაძემ.