„გვინდა, რომ საინტერესოები ვიყოთ და ეს ახალგაზრდა ტელევიზია თქვენი ყურადღების ღირსი გავხადოთ", - ამის შესახებ ჟურნალისტი ინგა გრიგოლია „TV პირველის" შესახებ საკუთარ „facebook"-გვერდზე წერს. გრიგოლია საკუთარ მეგობრებს გამხნევებისთვის მადლობას უხდის.
„ჩემო საყვარელო მეგობრებო... უღრმესი მადლობა ყველას ასეთი სითბოსთვის და გამხნევებისთვის. ძალიან გამახარეთ... მადლობა თქვენ... მთელი დღე გაბრუებული ვიყავი... ძალიან მიჭირს ხოლმე ემოციურად ყოველი ახალი დაწყება და ადამიანურ ემოციებს ვერ ვერევი ხოლმე... ხვალიდან ალბათ უფრო დავმშვიდდები. იმედია, გამოგვივა, რაც ჩაფიქრებული გვაქვს... გვინდა, რომ საინტერესოები ვიყოთ და ეს ახალგაზრდა ტელევიზია თქვენი ყურადღების ღირსი გავხადოთ... მიყვარხართ!!! ძალიან გამაბედნიერა დღეს ამდენმა კეთილმა სიტყვამ.... გზა კი, ყოველთვის არსებობს, როცა ხელოვნურად გიჭრიან... მთავარია, არ დავნებდეთ ხოლმე... ახლიდან დაწყების ძალა სადამდეც გვექნება, იქამდე იქნება ჩვენი ცხოვრება საინტერესო... ამაში უკვე კარგა ხანია დავრწმუნდი", - წერს გრიგოლია.
