საფეხბურთო კლუბი „ბარსელონა" ლეონელ მესის ცნობილი თაყვანისმცემლის, მურთაზა აჰმადის ფოტოებს ავრცელებს, რომელსაც ამჯერად, მესის ნამდვილი საფეხბურთო მაისური აცვია.

ფოტოები სოციალურ ქსელში განთავსდა სათაურით - „მურთაზა აჰმადი როგორც იქნა, მესის გუნდში მიიღეს". ფოტოებში ჩანს, თუ როგორ თამაშობს პატარა მურთაზა საფეხბურთო მოედანზე.

ბავშვი, რომლის ფოტომაც ინტერნეტი დაიპყრო, მესის საფეხბურთო „მაისურში" იყო გამოწყობილი. მაისური პოლიეთილენის პარკისგან იყო დამზადებული. ბავშვის ვინაობა დიდი ხნის განმავლობაში უცნობი იყო.

თავდაპირველად ვრცელდებოდა ცნობები, რომ ფოტოზე ასახული ბიჭი ერაყის მკვიდრი ქურთი იყო, თუმცა როგორც BBC წერს, ბიჭუნა, რომელიც „ლიონელ მესის ყველაზე დიდ თაყვანისმცემლად" შეირაცხა, ხუთი წლის მურთაზა აჰმადია და სინამდვილეში, ის ავღანეთის ერთ-ერთ სოფელში ცხოვრობს.

ბავშვს თავად ლეონელ მესიც ეძებდა.

წყარო: info9.ge