გარემოსა და ბუნებრივი რესურსების დაცვის მინისტრმა გიგლა აგულაშვილმა დეპუტატ გოგი თოფაძის მიერ გუშინ გაკეთებული განცხადების კომენტირებისას ჟურნალისტებს განუცხადა, რომ კონკრეტულმა ადამიანებმა თავად მიიღონ გადაწყვეტილება, ბოდიშს მოიხდიან თუ არა.
„ალბათ, ეს არ არის ის მდინარე, რომელშიც მე უნდა შევიდე ახლა და ვისაუბრო ამ თემაზე, ვინაიდან საკმაოდ ბევრი, მათ შორის ადეკვატური შეფასება მოვისმინე, მათ შორის პარლამენტში, ფრაქციის თავმჯდომარის მხრიდან. ალბათ, დროა, ჩვენ, საზოგადოებამ დავსვათ აქ წერტილი და კონკრეტულმა ადამიანებმა მიიღონ გადაწყვეტილებები, ბოდიშს მოიხდიან, არ მოიხდიან... ვფიქრობ, პარლამენტარებიც არიან პასუხისმგებლიანები და მათ საკუთარი გადაწყვეტილებები თვითონ უნდა მიიღონ. მე ასე მგონია, რომ ჯობს, ცეცხლს დამატებით ნავთი არ დავასხათ, დავმშვიდდეთ და დავწყნარდეთ", - განაცხადა გიგლა აგულაშვილმა.
მოამზადა ნათია ცუხიშვილმა
