იუსტიციის მინისტრი თეა წულუკიანი ტელეკომპანია „მაესტროს" ირგვლივ წილების გადანაწილებასთან დაკავშირებულ აჟიოტაჟს გამოეხმაურა.

„რაც შეეხება „მაესტროს" და ნებისმიერ სხვა ტელეკომპანიას - მთავრობის და პირადად ჩემი პოზიცია არის ის, რაც მანამდე იყო, ჩვენ შორს ვდგავართ ამ პროცესებისგან, ხოლო შიდა პროცედურული თუ სხვა არსებითი საკითხები სხვადასხვა პარტნიორებმა და მეწილეებმა კანონით დადგენილი წესით, ერთმანეთში უნდა გადაწყვიტონ. მე მინდა ვისურვო ის, რაც „რუსთავი 2"-ის შემთხვევაში ვისურვე, „მაესტრო" დარჩეს ჩვენთან, ფუნქციონიორებდეს და საქართველოს ჰქონდეს რაც შეიძლება მეტი მედიასაშუალება, რომელიც საზოგადოებას დამოუკიდებელ ინფორმაციას მიაწვდის", - განაცხადა თეა წულუკიანმა.