ჯანდაცვის  მინისტრი დავით სერგეენკო პარლამენტარ გოგი  თოფაძის   გუშინდელ  განცხადებას პასუხობს. სერგეენკოს თქმით, თოფაძის განცხადება როგოც საზოგადოებისთვის, ასევე მისთვისაც მიუღებელია.

„ჩემი  შეფასება  ამ  შემთხვევაში  ძალიან  ხისტი   და  კატეგორიული  იქნება.  ეს  არის  პოზიციის  კატეგორიულად  მიუღებელი  გამოხატვა.  ასეთი დეფინიცია,  შედარებები,  როგორც  ჩემთვის,  ასევე  საზოგადოებისთვის  მიუღებელია.  ცალსახად  ვადასტურებ,  რომ  დაუნის  სინდრომის  მქონე ადამიანები  საზოგადოების  ისეთივე  სრულფასოვანი  წევრები  არიან,  როგორც  თუნდაც  მე,  ან  თუნდაც  ამ  განცხადების  ავტორი.  ეს  არის კატეგორიულად  მიუღებელი  დეფინიცია,  გამოთქმა,  გამოსვლა", - განაცხადა დავით სერგეენკომ.