„მაკა ასათიანს მაესტროში 49 მილიონი ჩადებული აქვს, მაგრამ ეს ფული მატერიალური ფასეულობების შესაძენად იხარჯებოდა."- განაცხადა ბაია გადაბაძემ გადაცემაში 2030 და ტელეკომპანია „მაესტროს"  ვალებზე ისაუბრა.

„ბიუჯეტის მიმართ დაგროვილ დავალიანებას რაც შეეხება, ის ბოლო წელს დაგროვდა, როცა ტელევიზიაში მაკა ასათიანი ამხელა თანხებს ვეღარ აბანდებდა. ხელისუფლებამ რუსთავი 2-ს 23 მილიონი აპატია, იმედს - 16 მილიონი, დღევანდელმა ხელისუფლებამ კი, პირველ არხს - რამდენიმე მილიონი და პირველმა არხმა რატომ არ გადაიხადა გადასახადები?! თუ მეკითხებით, გადასახადებს რატომ არ ვიხდიდი, გპასუხობთ, რომ მილიონობით გადასახადი რომ მოუხსნეს ტელევიზიებს, ეს გასაკვირი არ არის. იმათთან შედარებით, მე დავალიანება კაპიკები მაქვს. გაკოტრებაზე საქმე რომ შევიტანე, ეს იმას გულისხმობს, ვალები უნდა ჩამოგაწერონ." - აღნიშნა ბაია გადაბაძემ.