„არ მინდა დავიჯერო, ვინმეს ასე ძალიან სურდეს, ისეთი გადაწყვეტილება მიიღოს, რომ დარჩენილი ცხოვრება საქართველოს გარეთ გაატაროს!" - ამის შესახებ საპარლამენტო უმრავლესობის წევრი თამაზ მეჭიაური აცხადებს და აქვე აღნიშნავს, რომ ერთსქესიანთა ქორწინებას საქართველოში არამარტო მართლმადიდებლები, არამედ სხვა აღმსარებლობის ადამიანებიც ეწინააღმდეგებიან.
„დიდი წარმოდგენისა არ ვარ დღევანდელ საკონსტიტუციო სასამართლოზე, მაგრამ მაინც მგონია, რომ ასეთი გადაწყვეტილების მიღება გაუჭირდებათ! საქართველოს მოსახლეობის აბსოლუტური უმრავლესობისთვის ეს მიუღებელია! ერთსქესიანთა ქორწინებას ეწინააღმდეგებიან არა მხოლოდ მართლმადიდებლები, არამედ სხვა ტრადიციული აღმსარებლობის მოქალაქეებიც!
არ მინდა დავიჯერო, ვინმეს ასე ძალიან სურდეს, ისეთი გადაწყვეტილება მიიღოს, რომ დარჩენილი ცხოვრება საქართველოს გარეთ გაატაროს! ფაქტია, რომ ვინც მხარს დაუჭერს ერთსქესიანთა ქორწინების დაკანონებას, საქართველოში ცხოვრება ძალიან გაუჭირდება!" - განაცხადა მეჭიაურმა.
(მოამზადა ნენე სტეფანიშვილმა)
წყარო: „ასავალ-დასავალი"
