„ადამიანმა მორალური წესები თვითონ, თავის თავში უნდა დაამკვიდროს", - ასე ეხმაურება მსახიობი თათული ედიშერაშვილი კანონპროქტის განხილვას, რომლის მიხედვითაც, შესაძლოა, რელიგიური გრძნობების შეურაცხყოფა დასჯადი გახდეს. როგორც ედიშერაშვილმა „რეზონანსთან" საუბარში განმარტა, იურიდიულმა კანონმა შესაძლოა ადამიანი უფრო აგრესიული გახადოს და უფრო მეტი ბრძოლა წავიდეს რელიგიის მიმართ.
„კონკრეტულად მე რელიგიური გრძნობების შეურაცხყოფას არ შევსწრებივარ, არ ვიცი, ხდება თუ არა, მაგრამ შესაძლოა ხდებოდეს, რადგან სოციალურ ქსელში მინახავს ასეთი სახის გარჩევები. მაგალითად, სასულიერო პირებზე. აქედან გამომდინარე, ალბათ ხდება, რაც ძალიან სამწუხაროა.
რელიგია, ვფიქრობ, უფრო მორალთან და მრწამსთან არის კავშირში, ადამიანის სულიერი სამყაროა და ამ შემთხვევაში იურიდიულმა კანონმა შესაძლოა, ადამიანი უფრო აგრესიული გახადოს და უფრო მეტი ბრძოლა წავიდეს ხილული თუ მალული. ადამიანმა მორალური წესები თვითონ, თავის თავში უნდა დაამკვიდროს", - აცხადებს ედიშერაშვილი.
(მოამზადა ნენე სტეფანიშვილმა)
წყარო: „რეზონანსი"
