„საარჩევნო სიის ნომრებზე საუბარი ცოტა ნაადრევია, მაგრამ გიორგი კვირიკაშვილი უკვე არის ჩვენი კოალიციის ლიდერი იმით, რომ ის გახდა პრემიერ-მინისტრი", - განცხადებას საპარლამენტო უმრავლესობის წევრი გედევან ფოფხაძე „რეპორტიორთან" საუბრისას აკეთებს:

„აბსოლუტურად ლოგიკური იქნება, რომ სამთავრობო პარტიის ლიდერადაც ის დასახელდეს. მოქმედი პრემიერი შეთავაზებული გვყავს საზოგადოებისთვის, გამარჯვების შემთხვევაში, როგორც ახალი მთავრობის პირველი პირი და ეს უკვე გარკვეული პოლიტიკური გზავნილია. დანარჩენი არის ფორმალური ნაწილი, რომელიც ყრილობის გადასაწყვეტია, კოალიციის პოლიტსაბჭოს გადასაწყვეტია და ჩემი აზრით, სავსებით ლოგიკური იქნება, თუ ამ მიმართულებით წავა ყველაფერი და კვირიკაშვილს ვიხილავთ სიის პირველ ნომრად", - ამბობს გედევან ფოფხაძე.